'யோகா செய்தால் கோபம் மறையும்': அமைச்சர் செங்கோட்டையன்

👍Join Our📱WhatsApp🌍Group👉Click Here👍Join Our📱Telegram🌍Group👉Click Here👍Join Our📱Twitter🌍Page👉Click HereAdd 9361194452 To Ur Groups

''யோகாசனம் செய்தால், கோபம் மறையும். சென்னை பள்ளிகளில், மாணவ - மாணவியருக்கு, யோகா கற்றுத் தர நடவடிக்கை எடுக்கப்படும்,'' என, பள்ளிக் கல்வித் துறை அமைச்சர் செங்கோட்டையன் தெரிவித்தார். சட்டசபையில், கேள்வி நேரத்தில் நடந்த விவாதம்:காங்., - கணேஷ்: ஊட்டியில், யோகா மையம் அமைக்க, அரசு ஆவன செய்யுமா?அமைச்சர் செங்கோட்டையன்: திட்டம் எதுவும் இல்லை.கணேஷ்: எங்கள் மாவட்டத்திற்கு, அரசு மருத்துவக் கல்லுாரி வழங்கிய, முதல்வர் மற்றும் அமைச்சர்களுக்கு நன்றி. அங்கு, பல்நோக்கு மருத்துவமனை அமைய உள்ளது. அதேபோல், யோகா மையம் அமைத்தால், அனைவருக்கும் பயனுள்ளதாக இருக்கும். சுற்றுலாப் பயணியருக்கும் பயனளிக்கும். அதேபோல், மலையாளம் பேசும் மக்களுக்கு, ஜாதி சான்றிதழ் வழங்கப்பட வேண்டும்.அமைச்சர் செங்கோட்டையன்: மாவட்ட விளையாட்டு மைதானத்தில், யோகா பயிற்சி அளிக்கப்படுகிறது.

பயிற்சிக்கு அதிக நபர்கள் வருவதாக இருந்தால், கூடுதல் பயிற்சியாளர்களை வைத்து, யோகா பயிற்சி அளிக்க, நடவடிக்கை எடுக்கப்படும்.தி.மு.க., - மா.சுப்பிரமணியன்: தி.மு.க., ஆட்சியில், சென்னை மாநகராட்சி பள்ளி மாணவ - மாணவியர், மாநகராட்சி ஊழியர்கள், டிரைவர்கள் என, அனைவருக்கும் யோகா கற்றுத் தரப்பட்டது; தற்போது, கற்றுத் தரப்படவில்லை. பள்ளி குழந்தைகளுக்காவது கற்றுத்தர, நடவடிக்கை எடுக்க வேண்டும்.அமைச்சர் செங்கோட்டையன்: உடல் ஆரோக்கியத்திற்கு, யோகா நல்லது. முகம் பொலிவுடன் இருக்க, யோகா உதவுகிறது; கோபம் கட்டுப்படுகிறது. எனவே, உள்ளாட்சி துறை அமைச்சருடன் கலந்து பேசி, பள்ளிகளில் குழந்தைகளுக்கு, யோகா கற்றுத் தர, நடவடிக்கை எடுக்கப்படும்.இவ்வாறு, விவாதம் நடந்தது.

மாநகராட்சிப் பள்ளிகளில் விரைவில் மீண்டும் யோகா வகுப்பு நடத்தப்படும் என்று பள்ளி கல்வித் துறை அமைச்சா் கே.ஏ.செங்கோட்டையன் தெரிவித்தாா். இதுகுறித்து உள்ளாட்சித் துறையுடன் கலந்து பேசப்படும் எனவும் அவா் கூறினாா். சட்டப் பேரவையில் புதன்கிழமை கேள்வி நேரத்துக்குப் பிறகு, திமுக உறுப்பினா் மா.சுப்பிரமணியன் (சைதாப்பேட்டை) துணைக் கேள்வி எழுப்பினாா். அப்போது பேசிய அவா், கடந்த திமுக ஆட்சிக் காலத்தில் சென்னை மாநகராட்சியில் உள்ள பள்ளிகள், ஊழியா்கள், ஆசிரியா்கள், பணியாளா்கள் என அனைவருக்கும் யோகா வகுப்புகள் நடத்தப்பட்டன. மாநகராட்சி பூங்காக்களிலும் யோகா கற்றுத் தரப்பட்டது. ஆனால், இப்போது எங்குமே யோகா நடத்தப்படவில்லை என்றாா்.

இதற்கு பதிலளித்த பள்ளிக் கல்வித் துறை அமைச்சா் கே.ஏ.செங்கோட்டையன், யோகா என்பது நமக்கு ஏற்படும் கோபத்தையும், அச்சத்தையும் குறைத்து முகம் அழகாகத் தெரிய வழி வகை செய்கிறது. இத்தகைய சிறப்பு வாய்ந்த யோகா வகுப்புகளை சென்னை மாநகராட்சியில் உள்ள பள்ளிகளில் செயல்படுத்த அரசு நடவடிக்கை எடுக்கும். உள்ளாட்சித் துறையின் கீழ் வருவதால் அதுகுறித்து சம்பந்தப்பட்ட அமைச்சருடன் பேசி யோகாவை மீண்டும் செயல்படுத்துவோம் என்றாா்.

👍Join Our📱Telegram🌍Group👉Click Here Press Ur Reaction Below& Share Ur Whatsapp Groups - Thank U